Demonetisation

ಒಬ್ಬ ವಿದೇಶಿ ಪ್ರವಾಸಕ್ಕೆಂದು ಭಾರತಕ್ಕೆ ಬಂದಿದ್ದ. ಅವನು ಬಂದಿದ್ದು demonetisation ಆಗುವ ಮೊದಲು, ಅವನು ಭಾರತಕ್ಕೆ land ಆದ ಮೇಲೆ airportನಲ್ಲಿ currency ಬದಲಾಯಿಸಿಕೊಂಡಿದ್ದ. So ಅವನ ಬಳಿ 500 ಮತ್ತು 1000 ರೂಪಾಯಿ ನೋಟುಗಳು ಮಾತ್ರ ಇದ್ದವು.
ಅವನು ಭಾರತ ಪ್ರವಾಸದಲ್ಲಿ ಕೇರಳದ ಮನ್ನಾರ್ ತಲುಪಿದ್ದ. ಬೆಳಿಗ್ಗೆ ಎದ್ದು breakfast ಮಾಡೋಣವೆಂದು hotelಗೆ ಹೋದಾಗ 100 ರೂಪಾಯಿ ನೋಟು ಮಾತ್ರ ತೆಗೆದುಕೊಳ್ಳೋದು ಎಂದು waiter ಹೇಳಿದ, ಅವನ ಬಳಿ 100 ರೂಪಾಯಿ ನೋಟುಗಳು ಇರಲಿಲ್ಲ ಆದ್ದರಿಂದ ಬೇರೆ ಹೋಟೆಲ್ಗೆ ಹೋಗಿ ತಿಂಡಿ ತಿನ್ನೋಣವೆಂದು ಅಲ್ಲಿಂದ ಬೇರೆ hotelಗೆ ನಡೆದ. ಅಲ್ಲಿ ಹೋದಾಗಲು waiter ಇದನ್ನೇ ಹೇಳುತ್ತಿದ್ದಾನೆ. ಅವನಿಗೆ ಆಶ್ಚರ್ಯವಾಗಿತ್ತು. ಏಕೆ ಹೀಗೆ ಎಂದು hotel manager  ಬಳಿ  ವಿಚಾರಿಸಿದಾಗ demonetisationನ ಬಗ್ಗೆ ಅವನಿಗೆ ತಿಳಿಯಿತು. ಎರಡು ದಿನ ಊಟ ಇಲ್ಲದೆ ಕಂಗಾಲಾಗಿದ್ದ. ಮೂರನೆ ದಿನ ಒಂದು ಚಿಕ್ಕ ಹೋಟೆಲ್ಗೆ ಹೋಗುತ್ತಾನೆ, ಅಲ್ಲಿಯೂ ಕೂಡ 100 ರೂಪಾಯಿ ನೋಟ್ ಮಾತ್ರ ತೆಗೆದುಕೊಳ್ಳುವುದು ಎಂದು ಹೇಳುತ್ತಾರೆ, ಸರಿ ಎಂದು ಹೇಳಿ ತನಗೆ ಬೇಕಾದಷ್ಟು order ಮಾಡಿ ಹೊಟ್ಟೆ ತುಂಬುವಷ್ಟು ತಿಂದು ಓಡಿ ಹೋಗುತ್ತಾನೆ. ಮನ್ನಾರ್ ಚಿಕ್ಕ place  ಆದ ಕಾರಣ  ಅವನ ನೋಟು ಬದಲಾಯಿಸಲು ಅವನಿಗೆ ಬಹಳ ಕಷ್ಟವಾಯಿತು. ಒಂದು ತಿಂಗಳು ಭಾರತ ಪ್ರವಾಸ ಮಾಡಬೇಕೆಂದು ಬಂದಿದ್ದ ವಿದೇಶಿಗೆ ನಮ್ಮ ದೇಶದ ಬಗ್ಗೆ  ಏನನಿಸಿದ್ದಿರಬಹುದು ಕೊನೆಗೆ ಯಾರದೋ ಸಹಾಯ ಪಡೆದು  ನೋಟು ಬದಲಾಯಿಸಿಕೊಂಡು airport ತಲುಪಿ ತನ್ನ ದೇಶಕ್ಕೆ ಮರಳಿದನಂತೆ.
demonetisationನ ವಿರೋದಿಗಳು ಈ ರೀತಿಯ ಕಥೆ ಹೇಳಿ ಸಾಮಾನ್ಯ ಜನರ ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದ್ದಾರೆ. ಈಗಾಗಲೇ ಜನರು ನೋಟ್ ಇಲ್ಲದೇ ಬದುಕಲು ಅಭ್ಯಾಸ ಮಾಡಿಕೊಂಡಿದ್ದಾರೆ. ಎಲ್ಲಾ ಚಿಕ್ಕ ಅಂಗಡಿಗಳಲ್ಲೂ  paytmನಂತ app ಉಪಯೋಗಿಸುತ್ತಿದ್ದಾರೆ ಇನ್ನೆನೂ ಐದೇ ದಿನದಲ್ಲಿ ನೋಟ್ exchange ಬಂದ್ ಆಗಲಿದೆ. ಕಪ್ಪು ಕುಳಗಳಿಗೆ ಹಾರ್ಟ್ ಎಟಾಕ್ ಆಗೋದು ಬಾಕಿ ಇದೆ.
#Support_digital_India
#Support_PM_Narendra_modiji
#Fight_against_corruption
#Fight _against_black_money

ನಿಮ್ ಹತ್ರ 500 ರೂಪಾಯಿಗೆ change ಇದ್ರೆ ಕೊಡ್ತೀರಾ???

   ಇವತ್ತು hair cut ಮಾಡ್ಸೋಣಂತ ಸಲೂನ್ಗೆ ಹೋಗಿದ್ದೆ, ಅವನು change ಇದ್ರೆ ಮಾತ್ರ hair cut ಮಾಡೋದು ಅಂತನೆ!! ಅಜ್ಜಿ ಪುಣ್ಯಕ್ಕೆ  ನನ್ನತ್ರ change ಇತ್ತು, so ಬಚವಾದೆ. Phoneಗೆ reacharge ಮಾಡ್ಸಕ್ ಹೋದಗ್ಲು same problem repeat!!!
   Bike serviceಗೆ ಕೊಡೋಣಂತ ಮೊನ್ನೆ ಬೆಳಿಗ್ಗೆ showroom ಹೋಗಿದ್ದೆ. ಹೇಗೂ money problem ಮೊನ್ನೆ  8ನೇ ತಾರಿಕ್ನಿಂದ ಶುರುವಾಗಿದ್ಯಲ್ಲ so ಮೊದ್ಲು ನಾನು receptionನತ್ರ ಕೇಳಿದ್ದು card accept ಮಾಡ್ತಿರಾ ಅಂತ? ಅದ್ಕ್ ಅವ್ನು ಇಲ್ಲ ಸಾರ್ machine ರೆಡಿ ಮಾಡಿಸ್ತಿವಿ ನಾಳೆ ಬನ್ನಿ ಅನ್ನೋದೆ!!!
   ಹೀಗೆ  bikeನಲ್ಲಿ ನಿನ್ನೆ ಹೋಗ್ತ ಇದ್ದಗ fuel  reserveಗೆ ಬಂದಿತ್ತು, ಪುಣ್ಯ ಮೊದಲೆ ಗೊತ್ತಾಯಿತು, ಯಾವಗ್ಲೂ fuel dry ಆದ್ಮೆಲೆ petrol  bunkವರೆಗೆ ತಳ್ಕೊಂಡು ಹೋಗಿ ಅಭ್ಯಾಸ ನೋಡಿ!! ಹಾಗಾಗಿ ಹೇಳ್ದೆ.
Petrol reserveಗೆ ಬಂದಿದೆ? ಕೈಯಲ್ಲಿ change ಇಲ್ಲ ,card ಬೇರೆ ತಕೊಂಡ್ ಹೋಗಿಲ್ಲ, ನನ್ನತ್ರ ಇದ್ದಿದ್ದು ಮೊನ್ನೆ 8ನೇ ತಾರಿಕಿಂದ ಹಳೆದಾಯಿತಲ್ವ ಅದೇ 500 ರೂಪಾಯಿ. ಕೆಲವು petrol bunkವ್ರು cash ತಗೋಳ್ತ ಇಲ್ಲ ಅಂತ ಗೊತ್ತಿತ್ತು, ಹಾಗಗಿ ಮೊದ್ಲೆ cash ತಗೋತಿರಾಂತ ಕೇಳ್ದೇ??? ಅವ್ನು ತಗೋತಿವಿ but 500ಗೆ change ಇಲ್ಲ ಅಂತಾನೆ!! ಸರಿ ಆಯ್ತು 500 ರೂಪಾಯಿಗೆ ಹಾಕು ಅಂತ ಬೇಜಾರಲ್ಲಿ ಹೇಳ್ದೆ. ಪಾಪ ಅವ್ನಿಗೆ ನನ್ನ ನೋಡಿ ಕರುಣೆ ಉಕ್ಕಿ ಬಂದು 350rsಗೆ petrol ಹಾಕಿ ಚೇಂಜೂ ಕೊಟ್ಟ, ನಾನು ಅವ್ನಿಗೆ ಒಂದು thanks ಹೇಳ್ಬಿಟ್ಟು ಹೊರಟೆ.
ಸುಮಾರ್ ಜನ್ರ cardಲ್ಲಿ cash ಇದೆ but ಒಂದ್ tea ಕುಡಿಯೋಕೆ card use ಆಗಲ್ವೆ.. ಹಂಗಾಗಿ ಸ್ವಲ್ಪ ದಿನಕ್ಕೆ ಜನ್ರತ್ರ ದುಡ್ಡಿದ್ರು ಭಿಕರಿನೆ ಬಿಡಿ.
ಕ್ಯೂ ನಿಲ್ಲೋದು ನನ್ಗೆ common ಆಗ್ಬಿಟಿದ್ದೆ ಕಾಲೇಜಲ್ಲಿ  fees ಕಟ್ಟೋಕೆ, ದೇವಸ್ಥಾನದಲ್ಲಿ ದೇವರ ದರ್ಶನ ಪಡೆಯೋಕೆ, film thetreಲ್ಲಿ ticket ತಗೊಳೋಕೆ ಹೀಗೆ ಅನೇಕ ಸಲ. ನೋಟ್ ಬ್ಯಾನ್ ಆದ್ಮಲೆ ಕ್ಯೂ ನಿತ್ಕೊಳ್ದೆರೂರೆಲ್ಲಾ ನಿತ್ಕೊಂಬಿಟ್ರು ನೋಡಿ ಅದೇ ನನ್ಗೆ ಖುಷಿ ಆಗಿದ್ದು.
ದುಡ್ಡೆ ದೊಡ್ಡಪ್ಪ ಅಂತ ನಂಬಿದ್ದವ್ರುದ್ದು ಚಳಿ ಬಿಟ್ಟೋಗಿದೆ. ಈಗ ನಮ್ google search engineನಲ್ಲಿ ಹೆಚ್ಚು ಸರ್ಚ್ ಆಗ್ತಿರೊ ವಿಷ್ಯ ಏನ್ ಗೊತ್ತ "How to convert black money into white" ಈ ವಿಷ್ಯ ಕೇಳಿ ನನ್ಗೆ ನಗೂನೇ ತಡಿಯೋಕೆ ಆಗ್ತಿಲ್ಲಾ.
"8ನೇ ತಾರಿಕ್ನಂದು ಮೊದಲ ಸಲ ಎಲ್ಲಾ ಬಡವ್ರು ಮಲಗಿದ್ರು, ಆದರೆ ಶ್ರೀಮಂತರು ನಿದ್ದೆ ಮಾಡಲು ನಿದ್ರೆ ಮಾತ್ರೆ ಮೊರೆ ಹೋದ್ರು" ಅಂತ ಸ್ವತಃ ನಮ್ಮ ನೆಚ್ಚಿನ ಪ್ರಧಾನಿ ನರೇಂದ್ರ ಮೋದಿ ಇವತ್ತು ಬೆಳಗಾವಿಯಲ್ಲಿ ತಮ್ಮ ಭಾಷಣದಲ್ಲಿ ಹೇಳಿದ್ರು. ಎಷ್ಟೇ ಕಷ್ಟ ಆದ್ರೂ ಕೆಲವು ದಿನ ಅಷ್ಟೇ ಬಿಡಿ, ಎಲ್ಲಾ ಮಹಾ ಕಳ್ಳರು ತಮ್ಮ ಆಟ ನಿಲ್ಲಿಸೋ time ಬಂದಿದೆ. ಮುಂದೆ ನಮ್ಮ ದೇಶದಲ್ಲಿ ಏನೋ ಒಂದು ಬದಲಾವಣೆ ಬಂದೆ ಬರುತ್ತೆ ಅನ್ನೊ ನಂಬಿಕೆ.

ಅನ್ನಧಾತೋ ಸುಖೀಭವ|||

ಊಟ ಬಲ್ಲವನಿಗೆ ರೋಗವಿಲ್ಲ, ಮಾತು ಬಲ್ಲವನಿಗೆ ಜಗಳವಿಲ್ಲ, ಎಂಬ ಗಾದೆ ಕೇಳಿರುತ್ತಿರಿ ಹಾಗೆಯೇ ಅತಿಯಾದರೆ ಅಮೃತವು ವಿಷ ಎಂಬ ಗಾದೆ ಕೂಡ ಕೇಳಿರುತ್ತಿರಿ. ಆದ್ದರಿಂದ ನಮ್ಮ ಹೊಟ್ಟೆ ತುಂಬುವಷ್ಟು ಊಟ ಮಾಡಿ ಉಳಿದಿದ್ದರೆ ಹಾಳು ಮಾಡದೆ ಯಾರದರು ಹತ್ತಿರದಲ್ಲಿ ಬಡವರಿದ್ದರೆ ಅವರಿಗೆ ದಾನ ಮಾಡಿ ಪುಣ್ಯ ಸಂಪಾದನೆ ಮಾಡಬಹುದು. "ಎಲ್ಲಾ ರೂ ಮಾಡುವುದು ಹೊಟ್ಟೆಗಾಗಿ, ಗೇಣು ಬಟ್ಟೆಗಾಗಿ" ಎಂದು ದಾಸರು ಹೇಳಿದ್ದಾರೆ. ಮನುಷ್ಯನಿಗೆ ಅನಿವಾರ್ಯ ಮತ್ತು ಅಗತ್ಯ ವಾಗಿರುವುದು ಆಹಾರ ಮತ್ತು ಬಟ್ಟೆ. ಇದಕ್ಕಾಗಿಯೇ ಮನುಷ್ಯರಾದ ನಾವು ಕೆಲಸ ಮಾಡಿ ಹಣ ಸಂಪಾದನೆ ಮಾಡುತ್ತಿರುವುದು.
"ತುತ್ತು ಅನ್ನ ತಿನ್ನೋಕೆ... ಬೊಗಸೆ ನೀರು ಕುಡಿಯೋಕೆ... ತುಂಡು ಬಟ್ಟೆ ಸಾಕು ನನ್ನ ಮಾನ  ಮುಚ್ಚೋಕೆ.. ಅಂಗೈಯಗಲ ಜಾಗ ಸಾಕು ಹಾಯಾಗಿರೋಕೆ..!!" ಹೀಗೆ ಹಾಡಿದವರು ನಮ್ಮ ಸಾಹಸ ಸಿಂಹ ವಿಷ್ಣುವರ್ಧನ್. ಮೊನ್ನೆ ಗ್ರಾಫಿಕ್ಸ್ ನಲ್ಲಿ ವಿಷ್ಣು ಅಭಿನಯಿಸಿದ ನಾಗರಹಾವು ಚಿತ್ರ ಬಿಡುಗಡೆಯಾಯಿತು. ಬಿಡುಗಡೆ ದಿನ ಬೆಂಗಳೂರಿನ ಭೂಮಿಕ ಥಿಯೇಟರ್ ಬಳಿ ವಿಷ್ಣು ಅಭಿಮಾನಿಗಳು ಅನ್ನದಾನ ಹಮ್ಮಿಕೊಂಡಿದ್ದರು. ಒಬ್ಬ ಮೇರುನಟ, ಕರ್ನಾಟಕ ಚಲನಚಿತ್ರಗಳ ದಂತಕಥೆ, ನಮ್ಮ ವಿಷ್ಣುವರ್ಧನ್ ಅವರ ಹೆಸರಿನಲ್ಲಿ ಅನ್ನದಾನ ಮಾಡಿದ ಅಭಿಮಾನಿಗಳಿಗೆ ನಿಜಕ್ಕೂ ಒಂದು ಸೆಲ್ಯೂಟ್.
ಮನುಷ್ಯ ತಿನ್ನುವುದಕ್ಕಾಗಿ ಬದುಕಬಾರದು, ಆದರೆ ಬದುಕುವುದಕ್ಕಾಗಿ ತಿನ್ನಬೇಕು.

ಭಾರತೀಯ ಸಂಸ್ಕೃತಿಯಲ್ಲಿ ಅನ್ನದಾನಕ್ಕೆ ಬಹಳ ಮಹತ್ವವಿದೆ. ಶ್ರೀ ಸತ್ಯನಾರಾಯಣ ಸ್ವಾಮಿ ವ್ರತ ಕಥೆಯಲ್ಲಿ ಅನ್ನದಾನ ಮಾಡಬೇಕೆಂಬ ಉಲ್ಲೇಖವಿದೆ. ಯಾವುದೇ ಶುಭಕಾರ್ಯಕ್ರಮಗಳಲ್ಲಿ ಅನ್ನದಾನಕ್ಕೆ ಪ್ರಾಶಸ್ತ್ಯ ನೀಡುತ್ತೆವೆ.
ಅನ್ನದಾನಕ್ಕೂ ಧಾರ್ಮಿಕ ಕ್ಷೇತ್ರಗಳಿಗೂ ಒಂದು ಬಿಡಿಸಲಾಗದ ಸಂಬಂಧವಿದೆ. ಹಸಿದಾಗ ಲೋಕವೆ ಕಾಣುವುದಿಲ್ಲ ಇನ್ನು ದೇವರು ಕಾಣುತ್ತಾನೆಯೇ. ಆದ್ದರಿಂದಲೇ ದೇವಸ್ಥಾನಗಳಲ್ಲಿ ಅನ್ನದಾನವನ್ನು ಏರ್ಪಡಿಸಿರಬಹುದು.
ಅನ್ನಪೂರ್ಣೆ ಸದಾ ಪೂರ್ಣೆ|
ಶಂಕರೇ ಪ್ರಾಣವಲ್ಲಭೆ||
ಜ್ಞಾನ ವೈರಾಗ್ಯ ಸಿದ್ಯಾಥಂ|
ಭಿಕ್ಷಂ ದೇಹಿಚ ಪಾರ್ವತಿ||
ಈ ಸಂಸ್ಕೃತ ಶ್ಲೋಕ ಸಾಮಾನ್ಯವಾಗಿ ಅನ್ನದಾನ ನಡೆಯುವ ಎಲ್ಲಾ ಕ್ಷೇತ್ರಗಳಲ್ಲಿ ಬರೆದಿರುತ್ತಾರೆ. ಕರ್ನಾಟಕದ  ಪ್ರಮುಖ ಧಾರ್ಮಿಕ ಕ್ಷೇತ್ರಗಳಲ್ಲಿ ಅನ್ನ ಸಂತರ್ಪಣೆ ನಡೆಯುತ್ತಿಲಿದೆ. ಹೊರನಾಡು ಶ್ರೀ ಅನ್ನಪೂರ್ಣೆಶ್ವರಿ ಕ್ಷೇತ್ರ ಅನ್ನದಾನಕ್ಕೆ ಪ್ರಸಿದ್ಧಿ ಹೊಂದಿದೆ, ಇಲ್ಲಿ ಪ್ರತಿನಿತ್ಯ ಸಾವಿರಾರು ಭಕ್ತರು ಅನ್ನದಾನದಲ್ಲಿ ಪಾಲ್ಗೊಳ್ಳುತ್ತಾರೆ. ನನಗೆ ಈ ಕ್ಷೇತ್ರದಲ್ಲಿ ಊಟ ಮಾಡಿದಾಗ ಅಮೃತವನ್ನೇ ಸೇವಿಸಿದನೇನೋ ಎಂಬ ಭಾವ ಬಂದಿತ್ತು. ಇಲ್ಲಿಯ ಊಟದ ರುಚಿಯನ್ನು ಯಾವ ಪದಗಳಲ್ಲಿ ಹೇಳಲು ಅಸಾಧ್ಯ. ಇದಕ್ಕೆಲ್ಲ ತಾಯಿ ಅನ್ನಪೂರ್ಣೇಶ್ವರಿಯ ಕೃಪೆಯೇ ಕಾರಣ ಎಂದರೆ ತಪ್ಪಾಗಲಾರದು.
ಹೆಸರಲ್ಲೇ  ಧರ್ಮ ಇರುವುದು ಶ್ರೀ ಕ್ಷೇತ್ರ ಧರ್ಮಸ್ಥಳ,  ಇಲ್ಲಿ ಊಟ ಮಾಡಲು ಶ್ರೀ ಮಂಜುನಾಥ ಸ್ವಾಮಿಯ ಕೃಪೆವೊಂದಿದ್ದರೆ ಸಾಕು. ಶ್ರೀ ಕ್ಷೇತ್ರದಲ್ಲಿ ಸರಿ ಸುಮಾರು 50 ಸಾವಿರ ಮಂದಿ  ಪ್ರತಿ ದಿನ ಊಟ ಮಾಡುತ್ತಾರೆ. ಭಾರತದ ಬೃಹತ್ ಅಡುಗೆ ಕೋಣೆಗಳ ಪಟ್ಟಿಯಲ್ಲಿ ಧರ್ಮಸ್ಥಳದ ಅಡುಗೆಕೋಣೆ ಕೂಡ ಸೇರ್ಪಡೆಗೋಂಡಿದೆ. ಇನ್ನೊಂದು ಕುತೂಹಲಕಾರಿ ವಿಷಯವೇನೆಂದರೆ ಇಲ್ಲಿ ಅಡುಗೆ ಮಾಡಲು ಜೈವಿಕ ಇಂಧನವನ್ನು ಬಳಸುತ್ತಾರೆ. ನ್ಯಾಷನಲ್ ಜಿಯೋಗ್ರಾಫಿಕ್ ಛಾನಲ್ ನಲ್ಲಿ ಜೂನ್ 22 ರಂದು "ಮೆಗಾ ಕಿಚನ್" ಎಂಬ ಕಾರ್ಯಕ್ರಮದಲ್ಲಿ ಧರ್ಮಸ್ಥಳದ ಅಡುಗೆಕೋಣೆ ತೋರಿಸಿದ್ದು ಬಹಳ ಸಂತಸದ ವಿಚಾರ.
ದಕ್ಷಿಣ ಕನ್ನಡ ಜಿಲ್ಲೆ ಧಾರ್ಮಿಕ ಕ್ಷೇತ್ರಗಳಿಗೆ ಹೆಸರುವಾಸಿ. ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಕ್ಷೇತ್ರದಲ್ಲಿ ಸರಾಸರಿ ಐದು ಸಾವಿರದಿಂದ ಹತ್ತು ಸಾವಿರ ಮಂದಿಗೆ ಅನ್ನದಾಸೋಹ ನಡೆಸಲಾಗುತ್ತಿದೆ. ಶ್ರೀ ಕ್ಷೇತ್ರದಲ್ಲಿ ತಯಾರಿಸುವ ಹಾಲಿನ ಪರಮಾನ್ನದ (ಪಾಯಸ) ರುಚಿ ಬಾಯಲ್ಲಿ ನೀರೂರಿಸುತ್ತದೆ. ಈ ಕ್ಷೇತ್ರದಲ್ಲಿ ಭಕ್ತಾದಿಗಳಿಗಲ್ಲದೆ 3500 ಶಾಲ ಮಕ್ಕಳಿಗೆ ಅನ್ನ ಸಂತರ್ಪಣೆ ನಡೆಯುತ್ತಿದೆ. ಇನ್ನೊಂದು ವಿಶೇಷ ಏನೆಂದರೆ ಕೈಸ್ತ ಸಂಸ್ಥೆಗಳು ನಡೆಸುತ್ತಿರುವ ವಿಶೇಷ ಶಾಲೆಗಳ ಮಕ್ಕಳಿಗೂ ಅನ್ನದಾನ ಮಾಡುತ್ತಿರುವುದು ಸಾಮರಸ್ಯದ ವಿಷಯವಾಗಿದೆ. ವಾರ್ಷಿಕವಾಗಿ 2 ರಿಂದ 3 ಕೋಟಿ ಅನ್ನದಾನಕ್ಕಾಗಿ ಶ್ರೀ ಕ್ಷೇತ್ರ ವೆಚ್ಚ ಮಾಡುತ್ತಿದೆ. ಇಲ್ಲಿ ಅನ್ನದಾನ ಮಾಡಲು ಇಚ್ಛಿಸುವ ಭಕ್ತರಿಗೆ 80ಜಿ ವಿನಾಯಿತಿ ಇರುತ್ತದೆ.
ಉಳಿದಂತೆ ಉಡುಪಿ ಶ್ರೀಕೃಷ್ಣ ಮಠ, ಕುಕ್ಕೆ ಶ್ರೀ ಸುಬ್ರಮಣ್ಯ ದೇವಸ್ಥಾನ, ಕೊಲ್ಲೂರು ಮೂಕಾಂಬಿಕಾ ಕ್ಷೇತ್ರ, ಶೃಂಗೇರಿ ಶಾರದಾ ಪೀಠ, ಮುಂತಾದ ಎಲ್ಲಾ ಧಾರ್ಮಿಕ ಕ್ಷೇತ್ರಗಳಲ್ಲಿ ಅನ್ನ ದಾಸೋಹ ನಡೆಯುತ್ತಲಿದೆ.
ಕೊಡಗಿನ ಭಾಗಮಂಡಲದ ತಲಕಾವೇರಿ ಕ್ಷೇತ್ರ, ಪಾಡಿ ಇಗ್ಗುತಪ್ಪ ಕ್ಷೇತ್ರ ಮತ್ತು ಬಾಡಗರಕೇರಿ ಶ್ರೀ ಮೃತ್ಯುಂಜಯ ಕ್ಷೇತ್ರದಲ್ಲಿ ದಿನಂಪ್ರತಿ ಅನ್ನ ಸಂತರ್ಪಣೆ ನಡೆಯುತ್ತಿದೆ. ಗೋಣಿಕೊಪ್ಪದ ಶ್ರೀ ಉಮಾಮಹೇಶ್ವರಿ ದೇವಸ್ಥಾನಲ್ಲಿ ಸುಬ್ರಮಣ್ಯ ಷಷ್ಠಿ, ಯುಗಾದಿ, ಶಿವರಾತ್ರಿ, ಗಣೇಶ ಚತುರ್ಥಿ, ದಸರಾ ಮುಂತಾದ ವಿಶೇಷ ದಿನಗಳಲ್ಲಿ ಮತ್ತು ಪ್ರತಿ ತಿಂಗಳ ಹುಣ್ಣಿಮೆಯಂದು ನಡೆಯುವ ಸಾಮೂಹಿಕ ಸತ್ಯನಾರಾಯಣ ಪೂಜೆಯ ಸಂದರ್ಭಲ್ಲಿ ಅನ್ನ ದಾನ ನಡೆಸುತ್ತಾರೆ.
ನಮ್ಮ ದೇಶದ ಬೆನ್ನೆಲುಬು ಎಂದು ಕರೆಸುಕೊಳ್ಳುವ ರೈತರನ್ನು ನಾವು ಅನ್ನದಾತ ಎಂದು ಕರೆಯುತ್ತೇವೆ. ಆದರೆ ಆ ಅನ್ನದಾತ ಬರಗಾಲ ಎಂಬಿತ್ಯಾದಿ ಸಂಕಷ್ಟಗಳಿಗೆ ತುತ್ತಾಗುತ್ತಿದ್ದಾನೆ. ಸರ್ಕಾರ ರೈತರ ಬಗೆಗಿನ ವಿಚಾರವನ್ನು ಹಗುರವಾಗಿಯೇ ತೆಗೆದುಕೊಳ್ಳುತ್ತಿದೆ. ರಾಜಕೀಯ ಸಮಾವೇಶಗಳಲ್ಲಿ ಭಕ್ಷ್ಯ ಬೋಜನಗಳನ್ನು ಚೆಲ್ಲಾಡುತ್ತಾರೆ. ಮೊನ್ನೆ ಮೈಸೂರು ದಸರಾ ಕಾರ್ಯಕ್ರಮ ವೀಕ್ಷಿಸಲು ಬಂದಿದ್ದ ವಿಐಪಿಗಳು ಅಲ್ಲಿ ಚೆಲ್ಲಾಡಿದ ಭಕ್ಷ್ಯಗಳನ್ನು ನೋಡಿದಾಗ ಇವರೆನೆಲ್ಲ ವಿಐಪಿಗಳು ಎಂದು ಕರೆದವರು ಯಾರು ಎಂದನಿಸುತ್ತದೆ.
ನಮ್ಮ ದೇಶದಲ್ಲಿ ಒಬ್ಬ ಬಡವ ಊಟ ಮಾಡುವುದಕ್ಕು ಮತ್ತು ಒಬ್ಬ ಶ್ರೀಮಂತ ಊಟ ಮಾಡುವುದಕ್ಕು ವ್ಯತ್ಯಾಸ ಇರುವುದು ದುರದೃಷ್ಟ. ಶ್ರೀಮಂತನ ಊಟದ ತಟ್ಟೆಯಲ್ಲಿ ಯಾವಗಲು ಅನ್ನ ವ್ಯರ್ಥವಾಗುತ್ತದೆ. ಶ್ರೀಮಂತರ ಆಡಂಬರದ ಭೋಜನ ಕೂಟಗಳಲ್ಲಿ ಬಿಸಾಡುವ ಅನ್ನದ ಪ್ರಮಾಣಗಳಲ್ಲಿ ಬಡವರು ಹಲವಾರು ದಿನಗಳು  ಊಟ ಮಾಡಬಹುದು.
ಅನಾಥಾಶ್ರಮ, ವೃದ್ಧಾಶ್ರಮಗಳಿಗೆ ತಮ್ಮ ಹೆಸರು ಹೇಳದೆ ಅನ್ನದಾನ ಮಾಡುತ್ತಿರುವವರು ನಮ್ಮ ನಡುವೆ ಇದ್ದಾರೆ. ಹಲವು ಸಂಘ ಸಂಸ್ಥೆಗಳು, ಟ್ರಸ್ಟ್ ಗಳು, ವಿಶೇಷ ಮಕ್ಕಳ ಶಾಲೆಗಳ ಆಡಳಿತ ಮಂಡಳಿಯವರು ತಮ್ಮ ಜೀವನ್ನೆ ಸಮಾಜದ ಏಳಿಗೆಗಾಗಿ ಮುಡುಪಾಗಿಟ್ಟಿದ್ದಾರೆ. ಇಂತಹ ಸಮಾಜ ಸೇವಕರು ನಮ್ಮ ದೇಶದ ಅಮೂಲ್ಯ ರತ್ನಗಳು. ಇಂತಹ ರತ್ನಗಳಿಗೆ ನಮ್ಮ ಕೈಲಾದಷ್ಟು ಸಹಾಯ ಮಾಡುವುದು ಒಳ್ಳೆಯದು ಎಂಬುವುದು ನನ್ನ ಉದ್ದೇಶ.

ಎಚ್ಚರ ಇದು ಅಪಘಾತ ವಲಯ

   ರಾಮ ಅವನ ತಂದೆ ತಾಯಿಗೆ ಒಬ್ಬನೆ ಮಗ, ಅವನ ತಂದೆ ಕಾಫಿ ಎಸ್ಟೇಟಿನ ಮಾಲೀಕರು. 10ನೇ ತರಗತಿ ಆದ ನಂತರ ಪದವಿಪೂರ್ವ ಶಿಕ್ಷಣಕ್ಕೆ ತಮ್ಮ ಊರಿನಿಂದ ಸುಮಾರು 30ಕಿ.ಮೀ ದೂರದಲ್ಲಿರುವ ಪಟ್ಟಣಕ್ಕೆ ರಾಮನನ್ನು ಕಳುಹಿಸಿದರು. ರಾಮ ಪ್ರಥಮ ಪಿಯುಸಿಯಲ್ಲಿ ಅನುತ್ತೀರ್ಣನಾದ. ಇದಾದ ನಂತರ ತಂದೆ ತಾಯಿಯನ್ನು ಒಪ್ಪಿಸಿ ಬೆಂಗಳೂರಿನ ಪ್ರತಿಷ್ಠಿತ ಕಾಲೇಜಿಗೆ ಪುನಃ ಪ್ರಥಮ ಪಿಯುಸಿಗೆ ಪ್ರವೇಶ ಪಡೆದ. ಅಲ್ಲಿ ಓಡಾಡಲು ಬೈಕ್ ಬೇಕೆಂದು ಸುಮಾರು 1.8ಲಕ್ಷ ಮೌಲ್ಯದ ಬೈಕನ್ನು ತೆಗೆಸಿಕೊಂಡ. ಕಾಲೇಜಿಗೆ ಸೇರಿದ ಕೆಲವು ತಿಂಗಳುಗಳ ನಂತರ ಬೈಕ್ ಓಡಿಸುತ್ತಿದ್ದಾಗ ನಿಯಂತ್ರಣ ಕಳೆದುಕೊಂಡು ರಸ್ತೆ ವಿಭಾಜಕಕ್ಕೆ ಡಿಕ್ಕಿ ಹೊಡೆದು ಸ್ಥಳದಲ್ಲೇ ತೀರಿಕೊಂಡ.
   ಇದು ಕೇವಲ ರಾಮನ ವಿಷಯವಲ್ಲ, ಈಗಿನ ಯುವಜನತೆ ಅದರಲ್ಲೂ ವಿದ್ಯಾರ್ಥಿಗಳು ತಂದೆ ತಾಯಿಯರನ್ನು ಪೀಡಿಸಿ ಬೈಕ್ ತೆಗೆಸಿಕೊಂಡು ತಮ್ಮ ಪ್ರಾಣಕ್ಕೆ ಕುತ್ತು ತಂದುಕೊಳ್ಳುತಿದ್ದಾರೆ. ವೇಗದಲ್ಲಿ ಬೈಕ್ ಚಲಾಯಿಸಿದರೆ ಏನೋ ಸಾಹಸ ಮಾಡಿದ್ದೇನೆ ಎಂಬ ಅಹಂಕಾರ. ತನ್ನ ವಿರುದ್ಧ ದಿಕ್ಕಿನಿಂದ ವಾಹನ ಬರುತ್ತಿದ್ದರೂ ವೇಗವನ್ನು ಕಡಿಮೆ ಮಾಡಲಾರೆ ಎಂಬ ಗರ್ವ. ದಿನಂಪ್ರತಿ ಸುದ್ದಿವಾಹಿನಿ ಮತ್ತು ದಿನ ಪತ್ರಿಕೆಗಳಲ್ಲಿ ದ್ವಿಚಕ್ರ ವಾಹನಗಳ ಅಪಘಾತಗಳ ಸುದ್ದಿ ಸಾಮಾನ್ಯವಾಗಿದೆ. "ಅವಸರವೆ ಅಪಘಾತಕ್ಕೆ ಕಾರಣ", ಎಂಬ ಘೋಷ ವಾಕ್ಯ ಎಲ್ಲಾ ಹೆದ್ದಾರಿಗಳಲ್ಲಿ ಬರೆದಿದ್ದರು ಅಪಘಾತಗಳು ಕಡಿಮೆಯಾಗುತ್ತಿಲ್ಲ. "ಅಪಘಾತ ವಲಯ" ಎಂಬ ಎಚ್ಚರಿಕೆ ಫಲಕಗಳು ಕೂಡ ಕೆಲಸ ಮಾಡುತ್ತಿಲ್ಲ.
ವೇಗವನ್ನು ನಿಯಂತ್ರಿಸಲು ಹೆದ್ದಾರಿಗಳಲ್ಲಿ ರಸ್ತೆ ಉಬ್ಬುಗಳನ್ನು ನಿರ್ಮಿಸಿದ್ದಾರೆ. ಈಗ ಬೈಕಿನ ಹಿಂಬದಿ ಸವಾರ ಕೂಡ ಹೆಲ್ಮೆಟ್ ಧರಿಸಬೇಕೆಂಬ ಕಾನೂನು ಜಾರಿಗೊಳಿಸಿದ್ದಾರೆ. ಇಷ್ಟೆಲ್ಲ ಸುರಕ್ಷಿತ ಕ್ರಮಗಳು ಜಾರಿಯಲ್ಲಿದ್ದರು ಅಪಘಾತಗಳು ನಿಲ್ಲುತ್ತಿಲ್ಲ.

    ಅಪಘಾತಗಳಲ್ಲಿ ಸಾವು ನೋವುಗಳು ಸಂಭವಿಸಲು ಪ್ರಮುಖ ಕಾರಣಗಳೇನೆಂದು ನೋಡುವುದಾದರೆ:-

1)ಅತಿ ಹೆಚ್ಚು ವೇಗದಲ್ಲಿ ಚಲಾಯಿಸುವುದು.
2)ಭಾರವಾದ ಟ್ರಕ್ ಗಳು.
3)ಕುಡಿದು, ಪಾನಮತ್ತರಾಗಿ ವಾಹನ ಚಲಾಯಿಸುವುದು.
4)ಹೆಲ್ಮೆಟ್ ಮತ್ತು ಸೀಟ್ ಬೆಲ್ಟ್ ಧರಿಸದೆ ವಾಹನ ಚಲಾಯಿಸುವುದು.
5)ವಾಹನ ಚಲಾಯಿಸುವಾಗ ಮೊಬೈಲ್ ನಲ್ಲಿ ಮಾತನಾಡುವುದು.

   ಅಘಾತಕಾರಿ ವಿಷಯವೇನೆಂದರೆ ಭಾರತದ ಪ್ರಮುಖ ಹತ್ತು ನಗರಗಳಲ್ಲಿ ಬೆಂಗಳೂರು ವಾಹನ ಅಪಘಾತಗಳ ಸಂಖ್ಯೆಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.

2014ರ ಸಮೀಕ್ಷೆಯ ಪ್ರಕಾರ ಬೆಂಗಳೂರಿನಲ್ಲಿ ಸಂಭವಿಸಿದ ಅಪಘಾತಗಳಲ್ಲಿ ಸರಿ ಸುಮಾರು10,444 ಮಂದಿ ಸಾವನ್ನಪ್ಪಿದ್ದಾರೆ. ಕರ್ನಾಟಕ ರಾಜ್ಯದಲ್ಲಿ 43,694 ಅಪಘಾತಳು ವರದಿಯಾಗಿವೆ.
ಭಾರತ ದೇಶದಲ್ಲಿ ಪ್ರತಿ ಗಂಟೆಗೆ 16 ಅಪಘಾತಗಳು ಸಂಭವಿಸುತ್ತಿದೆ. 53 ಬೃಹತ್ ನಗರಗಳಲ್ಲಿ ದೇಶದ ರಾಜಧಾನಿ ದೆಹಲಿ ಮೊದಲನೇ ಸ್ಥಾನದಲ್ಲಿದೆ.
ಭಾರತದಲ್ಲಿ ಆರ್ಥಿಕ ಮತ್ತು ಜನಸಂಖ್ಯೆಗಳಿಗಿಂತ ವಾಹನಗಳ ಸಂಖ್ಯೆ ಏರುತ್ತಿದೆ. ಪ್ರತಿ ಮನೆಯಲ್ಲಿ ಕನಿಷ್ಠ 2 ರಿಂದ 4 ವಾಹನಗಳು ಇದ್ದೇ ಇದೆ.
ವಿಶ್ವ ಆರೋಗ್ಯ ಸಂಸ್ಥೆಯ (WHO) ಪ್ರಕಾರ ಭಾರತದಲ್ಲಿ ಸಾವನ್ನಪ್ಪಲು ಅಥವಾ ಅಂಗವಿಕಲತೆಗೆ ರಸ್ತೆ ಅಪಘಾತಗಳು ಕಾರಣವಾಗುತ್ತಿದೆ. ಮುಖ್ಯವಾಗಿ ಯುವಕರು ಮತ್ತು ಮಧ್ಯ ವಯಸ್ಕರು ಅಪಘಾತಗಳಿಂದಾಗಿ ಪ್ರಾಣ ಕಳೆದುಕೊಳ್ಳುತಿದ್ದಾರೆ.
    ಇದನ್ನೆಲ್ಲ ನೋಡಿದಾಗ ತುಂಬಾ ಬೇಸರವಾಗುತ್ತದೆ, ಇನ್ನಾದರೂ ಅಪಘಾತಗಳು ಕಡಿಮೆಯಾಗುತ್ತದೆ ಎಂಬುವುದು ಕನಸಿನ ಮಾತು!!!

Source: Road accidents in India 2014

ಇರ್ಪು ಎಂಬ ಸುಂದರ ಜಲಪಾತ

 

ಕಳೆದ ಭಾನುವಾರ ನನ್ನ ಅಕ್ಕ ಮನೆಗೆ ಬಂದಿರುವಾಗ ಎಲ್ಲಿಗಾದರು ಪ್ರವಾಸ ಹೋಗೋಣ ಎಂದಾಗ ನನಗೆ ತಕ್ಷಣ ಎಲ್ಲಿಗೆ ಹೋಗೋಣ ಎಂದು ತಿಳಿಯಲಿಲ್ಲ, ಇರ್ಪು ರಾಮೇಶ್ವರ ದೇವಸ್ಥಾನಕ್ಕೆ ಹೋಗಿದ್ದ ನಾನು ಇದುವರೆಗೂ ಇರ್ಪು ಜಲಪಾತವನ್ನು ಕಂಡಿರಲಿಲ್ಲ.

ನಾನು ನನ್ನ ಸ್ನೇಹಿತ  ದೀಕ್ಷಿತ್ ನಿಗೆ ನಾಳೆ ಇರ್ಪು ಜಲಪಾತಕ್ಕೆ ಹೋಗೋಣವೆ ಎಂದು ವಾಟ್ಸೇಪ್ ಮಾಡಿದೆ, ಅವನು ಹೋಗೋಣ ಹಾಗೆಯೇ ಟಿ-ಶೆಟ್ಟಿಗೇರಿ  ಬಳಿ ಇರುವ  ಟಿ-ಎಸ್ಟೇಟಿಗು ಹೋಗಿ ಬರೋಣ ಎಂದ. ಹೀಗೆ ಒಂದೇ ದಿನದಲ್ಲಿ ತಕ್ಷಣದಲ್ಲಿ, ಯಾವುದೇ ತಯಾರಿಯಿಲ್ಲದೆ ಒಂದು ಸ್ಥಳಕ್ಕೆ ಹೋಗೋಣ ಎಂದು ನಿರ್ಧರಿಸಿದ್ದು.

   ನಾನು ನನ್ನ ಅಕ್ಕ ಒಂದು ಬೈಕಿನಲ್ಲಿ  ದೀಕ್ಷಿತ್ ಮತ್ತು ಅವನ ಅಕ್ಕ ಇನ್ನೊಂದು  ಬೈಕಿನಲ್ಲಿ ದೀಕ್ಷಿತ್ ನ ಇನ್ನು 6 ಮಂದಿ ಗೆಳೆಯರು ಇನ್ನೆರಡು ಬೈಕಿನಲ್ಲಿ ಹೀಗೆ ಒಟ್ಟು 10 ಮಂದಿ ಇರ್ಪು ಜಲಪಾತವನ್ನು ನೋಡಲು ಗೋಣಿಕೊಪ್ಪದಿಂದ ಪ್ರಯಾಣ ಬೆಳೆಸಿದೆವು.

ಗೋಣಿಕೊಪ್ಪ-ಕುಟ್ಟ ಹೆದ್ದಾರಿಯಲ್ಲಿ, ಶ್ರೀಮಂಗಲ ಮಾರ್ಗವಾಗಿ ಇರ್ಪುವಿಗೆ ತಲುಪಿದೆವು. ಇರ್ಪು ಜಲಪಾತವನ್ನು ವೀಕ್ಷಿಸಲು 50 ರೂಪಾಯಿ ಪ್ರವೇಶದರದ ಜೊತೆಗೆ ವಾಹನ ನಿಲುಗಡೆಗೆ ಪ್ರತಿ ದ್ವಿಚಕ್ರಗಳಿಗೆ 5 ರೂಪಾಯಿಯಂತೆ ತೆತ್ತು ಜಲಪಾತ ವೀಕ್ಷಣೆ ದ್ವಾರವನ್ನು ಪ್ರವೇಶಿಸಿದೆವು. ನನ್ನ ಪ್ರಕಾರ ಕೊಡಗಿನ ಯಾವುದೇ ಪ್ರವಾಸಿ ತಾಣಗಳಲ್ಲಿ ಇಷ್ಟು ದುಬಾರಿ ಪ್ರವೇಶ ಶುಲ್ಕ ಇರಲಾರದು. 50 ರೂಪಾಯಿ ತೆತ್ತು ಜಲಪಾತದ ಪ್ರಕೃತಿ ಸೌಂದರ್ಯವನ್ನು ನೋಡುವಂತಹ ಪರಿಸ್ಥಿತಿ ನಮ್ಮದು. ನಾನು ಪ್ರವೇಶ ದರ ಇರಲೇಬಾರದು ಎಂದು ಹೇಳುತ್ತಿಲ್ಲ, ಕನಿಷ್ಠ ಪಕ್ಷ ಅದು ಸಾಮಾನ್ಯ ಮನುಷ್ಯನಿಂದ ಕೊಡುವಷ್ಟು ಇದ್ದರೆ ಸಾಕಿತ್ತು. ನಿರ್ವಹಣೆ, ಸ್ವಚ್ಚತೆ ಎಂಬಿತ್ಯಾದಿ ಖರ್ಚುಗಳಿಗೆ ಸರಿ ಹೊಂದಿಸಿ ಬರುವ ಪ್ರವಾಸಿಗರಿಗೆ ಕೊಡಬಹುದು ಎಂದನಿಸುವ ಮೊತ್ತ ಆಗಿದ್ದರೆ ಚೆನ್ನಾಗಿತ್ತು.

   ಜಲಪಾತಕ್ಕೆ ಹೋಗುವವರು ಯಾವುದೇ ತಿಂಡಿ ಪೊಟ್ಟಣಗಳಗಲಿ, ನೀರಿನ ಬಾಟಲಿಗಳಾಗಲಿ ತೆಗೆದುಕೊಂಡು ಹೋಗುವಂತಿಲ್ಲ. ವಯಸ್ಸಾದವುರು ಹಾಗೂ ಮಕ್ಕಳ ಅನುಕೂಲಕ್ಕಾಗಿ 20 ರೂಪಾಯಿಗಳ ಟೋಕನ್ ತೆಗೆದುಕೊಂಡು ನೀರಿನ ಬಾಟಲಿಗಳನ್ನು ತೆಗೆದುಕೊಂಡು ಹೋಗಬಹುದು. ಜಲಪಾತ ವೀಕ್ಷಿಸಿ ಹಿಂತಿರುಗುವಾಗ ಬಾಟಲಿಯನ್ನು ತೋರಿಸಿ ಹಣವನ್ನು ಹಿಂಪಡೆಯಬಹುದು.

   ಜಲಪಾತದ ಬಳಿಗೆ ತಲುಪುತ್ತಲೆ 170 ಅಡಿ ಎತ್ತರದಿಂದ ದುಮ್ಮುಕ್ಕುತ್ತಿದ್ದ ನೀರಿನ ಜುಳು- ಜುಳು ನಾದವು ಕೇಳಿಸುತ್ತಿತ್ತು. ದಾರಿಯುದ್ದಕ್ಕು ಪಕ್ಷಿಗಳ ಕಲರವ ಇಂಪಾಗಿತ್ತು. ಜಲಪಾತ ತಲುಪುವ ಮೊದಲೇ ಹಲವಾರು ಫೋಟೋ ಶೂಟ್ ಗಳು ಸೆಲ್ಫಿಗಳು ಜೋರಾಗೆ ಇತ್ತು.

   ಜಲಪಾತ ತಲುಪಿದಾಗ ಒಂದು ಕ್ಷಣಕ್ಕೆ ಎಲ್ಲರು ಜಲಪಾತದ  ಸೌಂದರ್ಯವನ್ನು ನೋಡಿ ಸ್ತಬ್ಧವಾಗಿದ್ದೆವು. ರುದ್ರರಮಣೀಯವಾದ ಜಲಪಾತವನ್ನು ನೋಡಲು ಎರಡು ಕಣ್ಣುಗಳು ಸಾಲದು. ಅಲ್ಲಿಗೆ ಬಂದಿದ್ದ ಪ್ರವಾಸಿಗರು ಮೇಲಿನಿಂದ ಬೀಳುತ್ತಿದ್ದ ನೀರಿಗೆ ತಲೆಯನ್ನು ಇಟ್ಟು ಆನಂದಿಸುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು. ಬಂದಿದ್ದ ಹೆಚ್ಚಿನ ಪ್ರವಾಸಿಗರು ಅಲ್ಲಿ ಮಿಂದೆಳುತ್ತಿದ್ದರು. ಜಲಪಾತದಿಂದ ದುಮ್ಮುಕ್ಕುತ್ತಿದ್ದ ನೀರಿನ ಬಳಿ ಹೋಗಲು ಕಬ್ಬಿಣದ ಸೇತುವೆ ಮಾದರಿಯನ್ನು ಕಲ್ಲಿನ ಮೇಲೆ ಹಾಸಿದ್ದು ಬಹಳ ಉಪಯೋಗಕರವಾಗಿದೆ, ಇಲ್ಲಿ ನಿಂತು ಹಲವು ಫೋಟೋ ಕ್ಲಿಕ್ಕಿಸಿದೆವು. ಜಲಪಾತದ ಮೇಲೆ ಶಿವಲಿಂಗ ಇದೆ ಎಂದು ನಮ್ಮ ಜೊತೆಯಲ್ಲಿದ್ದವರು ಹೇಳುತಿದ್ದರು ಆದರೆ ನಮಗೆ ನೀರಿನ ಹಾಲಿನಂತ ನೊರೆಯಲ್ಲಿ ಕಾಣ ಸಿಗುವುದಿಲ್ಲ. ಇರ್ಪು ಜಲಪಾತಕ್ಕೆ ಮಳೆಗಾಲದಲ್ಲಿ ಭೇಟಿ ನೀಡುವುದು ಸೂಕ್ತ.

   ಶ್ರೀರಾಮಲಕ್ಷ್ಮಣರು ಸೀತೆಯನ್ನು ಹುಡುಕುತ್ತ, ಬ್ರಹ್ಮಗಿರಿ ಬೆಟ್ಟಕ್ಕೆ ಬಂದಿದ್ದ ಸಂದರ್ಭಲ್ಲಿ ಶ್ರೀರಾಮನು ಲಕ್ಷ್ಮಣನನ್ನು ಕುಡಿಯಲು ನೀರು ತರಲು ಕೇಳಿಕೊಂಡನು, ಆಗ ಲಕ್ಷ್ಮಣನು ಬ್ರಹ್ಮಗಿರಿ ಮೇಲೆ ಬಾಣವನ್ನು ಬಿಟ್ಟನು, ಆ ಸ್ಥಳದಲ್ಲಿ ಲಕ್ಷ್ಮಣ ತೀರ್ಥ ಎಂದು ಕರೆಯಲ್ಪಡುವ ನದಿ ಹುಟ್ಟಿಕೊಂಡಿತು ಎಂಬುವುದು ಇಲ್ಲಿನ ಪ್ರತೀತಿ. ಆದ್ದರಿಂದ ಇರ್ಪು ಜಲಪಾತದಲ್ಲಿ ಸ್ನಾನ ಮಾಡಿದರೆ ನಮ್ಮ ಪಾಪಗಳು ನಾಶವಾಗುತ್ತದೆ ಎಂಬ ನಂಬಿಕೆ ಕೊಡಗಿನ ಜನರಲ್ಲಿದೆ. ಶಿವರಾತ್ರಿ ಸಂದರ್ಭಲ್ಲಿ ಸಹಸ್ರಾರು ಭಕ್ತರು ಪವಿತ್ರ ನದಿಯಲ್ಲಿ ಸ್ನಾನ ಮಾಡುತ್ತಾರೆ. ಇರ್ಪು ಜಲಪಾತವು ಕೇವಲ ಪ್ರವಾಸಿ ತಾಣವಲ್ಲದೆ ಧಾರ್ಮಿಕ ಕ್ಷೇತ್ರವು ಹೌದು.

   ಇರ್ಪು ಜಲಪಾತವನ್ನು ಪದಗಳಲ್ಲಿ ವರ್ಣಿಸಲು ಅಸಾಧ್ಯ. ನೀವೆಲ್ಲಾದರು ರಜೆಯ ಮಜವನ್ನು ಸವಿಯ ಬೇಕೆಂದಿದ್ದರೆ ಕೊಡಗಿನ ಇರ್ಪು ಜಜಲಪಾತಕ್ಕೆ ಭೇಟಿ ನೀಡಲೇ ಬೇಕು. ಇರ್ಪು ರಾಮೇಶ್ವರ ದೇವಸ್ಥಾನ ಹಾಗೂ ಜಲಪಾತವು ಕೊಡಗಿನ ಸಾಮಾಜಿಕ, ಸಾಂಸ್ಕೃತಿಕ ಮತ್ತು ಧಾರ್ಮಿಕ ಹಿರಿಮೆಯಾಗಿದ್ದು ದಯವಿಟ್ಟು ಇಲ್ಲಿಗೆ ಬರುವ ಪ್ರವಾಸಿಗರು ಮೋಜು ಮಸ್ತಿಗೆ ಬಾರದೆ, ಇಲ್ಲಿನ ಪಾವಿತ್ರ್ಯತೆಯನ್ನು ಕಾಪಾಡಿಕೊಳ್ಳಬೇಂಬುವುದು ನನ್ನ ವಿನಂತಿ.

ಮಡಿಕೇರಿ ಸರ್ಕಾರಿ ಆಸ್ಪತ್ರೆ ಪುರಾಣ

     ನನ್ನ ಸ್ನೇಹಿತನಿಗೆ ಕಾಲೇಜು ಸೇರುವ ನಿಮಿತ್ತ Physical fitness certificateನ್ನು ಕೊಡಬೇಕಿತ್ತು, ಆದ್ದರಿಂದ ಅವನೊಂದಿಗೆ ಮಡಿಕೇರಿಯ ಜಿಲ್ಲಾ ಆಸ್ಪತ್ರೆಗೆ ತೆರಳಿದೆವು. 5ರೂ ಚೀಟಿಯನ್ನು ಕೌಂಟರಿನಿಂದ ಪಡೆದು ಎಲ್ಲಿ ಹೋಗಬೇಕು ಎಂದು ವಿಚಾರಿಸಿದಾಗ 63ನಂ ಕೊಠಡಿಗೆ ಹೋಗಿ ಅಲ್ಲಿ ಸರ್ಜನ್  ಇರುತ್ತಾರೆ ಎಂದರು.
ನಾವು ಅಲ್ಲಿಗೆ ಹೋದಾಗ  ಯಾರು ಇರಲಿಲ್ಲ ನಂತರ ದಾದಿಯರನ್ನು ಕೇಳಿದಾಗ ನೀವು 14ನಂ ಕೊಠಡಿಗೆ ಹೋಗಿ ಡಾ|| ಇರುತ್ತಾರೆ ಎಂದಾಗ ಅಲ್ಲಿಗೆ ತೆರಳಿದೆವು. ಅಲ್ಲಿ ಡಾ|| ನೀವು Height, weight, chestನ್ನು ದಾದಿಯರಲ್ಲಿ measure ಮಾಡಿಸಿ,vision testನ್ನು ಮಾಡಿಸಿ ಎಂದು ಸೌಜನ್ಯವಿಲ್ಲದೆ ಮಾತನಾಡಿಸಿ ಕಳಿಸಿದರು. ನಾವು ಎಲ್ಲಾ Measurement ಮತ್ತು test ಮುಗಿಸಿ ಹೋದಾಗ  ಡಾ|| ಅಲ್ಲಿ ಇರಲಿಲ್ಲ, ಸ್ವಲ್ಪ ಹೊತ್ತು ಕಾದು ಕುಳಿತೆವು. ಆಗ ಬಂದ ಡಾ||  ನಾನು certificate ಬರೆಯುವಂತಿಲ್ಲ, Senior ಡಾ|| ಬರೆಯಬೇಕು, ಇಂದು ಆಸ್ಪತ್ರೆಗೆ ಮಂತ್ರಿಗಳು ಭೇಟಿ ನೀಡಿರುವ ಕಾರಣ ಎಲ್ಲಾ ಡಾ|| ಗಳು ಅಲ್ಲಿಗೆ ಹೋಗಿದ್ದಾರೆ ನೀವು ನಾಳೆ ಬೆಳಿಗ್ಗೆ ಬನ್ನಿ ಎಂದು ಕಳಿಸಿದರು.
ಅಲ್ಲಿಯೆ ಇದ್ದ ದಾದಿಯು 28ನಂ ಕೊಠಡಿಗೆ ಹೋಗಲು ಸೂಚಿಸಿದರು. ಅಲ್ಲಿಗೆ ಹೋದಾಗ ಡಾ|| ಈಗಷ್ಟೇ ಹೋದರು, ಹೊರಗೆಲ್ಲಾದರು ಸಿಕ್ಕಿದರೆ ಕೇಳಿ ನೋಡಿ ಎಂದರು.
ಅಲ್ಲಿಯೇ ಇದ್ದ HOD ಎಂಬ ಕೊಠಡಿಯಲ್ಲಿ ಡಾ|| ಇದ್ದಾರೆ ಎಂದು ಖಚಿತ ಪಡಿಸಿಕೊಂಡ ನಾವು ಅವರು ಹೊರಗೆ ಬರುವವರೆಗೆ ಕಾದೆವು. ಅಲ್ಲಿಂದ ಹೊರ ಬಂದ ಡಾ||  Physical fitness certificate ಬರೆದು ಕೊಡಿ ಎಂದಾಗ, ನೀವು 14ನಂ ಕೊಠಡಿಗೆ ಹೋಗಿ, ನಾನು ಅಲ್ಲಿಗೆ ಹೋಗುವೆನು ಎಂದರು. ನಾವು ಅಲ್ಲಿ ಸುಮಾರು 1ಗಂಟೆಗಳ ಕಾಲ ಕಾದರು ಡಾ|| ಬರಲಿಲ್ಲ.
ಕೇವಲ ಒಂದು Physical fitness certificate  ಗಾಗಿ ಅಲ್ಲಿ ಇಲ್ಲಿ ಅಲೆದಾಡಿಸುವ ಆಸ್ಪತ್ರೆ ಸಿಬ್ಬಂದಿಗಳು ಬಡವರು,ಸಾಮಾನ್ಯ ವರ್ಗದವರು, ರೋಗ ಪೀಡಿತರನ್ನು ಹೇಗೆಲ್ಲ ಅಲೆದಾಡಿಸಬಹುದು.
ಯಾವ ಮಂತ್ರಿಗಳು ಯಾವ ಕಾರಣಕ್ಕೆ ಆಸ್ಪತ್ರೆಗೆ ಬಂದಿದ್ದರು ಎಂದು ನನಗೆ ತಿಳಿದಿಲ್ಲ ಆದರೆ ಎಲ್ಲಾ ವೈದ್ಯರು ಮಂತ್ರಿಗಳ ಹಿಂದೆ ಹೋದರೆ ರೋಗಿಗಳು ಗತಿಯೇನು..??
ಮಂತ್ರಿಗಳು ಆಸ್ಪತ್ರೆಗೆ ಹೋದರೆ ವೈದ್ಯರು ಕರ್ತವ್ಯ ನಿರ್ವಹಿಸುದಿಲ್ಲ ಎಂದಾಯಿತ!!!
ಕೊಡಗಿನಲ್ಲಿ ದೊಡ್ಡ ಆಸ್ಪತ್ರೆ ಎಂದು ಇರುವುದು ಮಡಿಕೇರಿಯ ಜಿಲ್ಲಾ ಆಸ್ಪತ್ರೆ. ಇಲ್ಲಿಯೇ ಹೀಗೆ ಇರುವಾಗ ತಾಲ್ಲೂಕು ಆಸ್ಪತ್ರೆ, ಸಮುದಾಯ ಆರೋಗ್ಯ ಕೇಂದ್ರಗಳ ಗತಿ ಏನು..??
ಯಾವುದೇ ಕಾಯಿಲೆ ಬಂದರು ಸರ್ಕಾರಿ ಆಸ್ಪತ್ರೆಗೆ ಹೋಗಬಾರದು ಎಂದು ಯೋಚಿಸಿದಾಗ, Physical fitnessನಂತಹ certificateಗಳಿಗೆ ಹೋಗಲೇ ಬೇಕಾದ ಅನಿವಾರ್ಯತೆ...!!! ಕಡೇಗು ನಮಗೆ Physical fitness certificate ಸಿಕ್ಕಿಲ್ಲ, ನಾಳೆ ಹೋಗಿ try ಮಾಡಿ ನೋಡೋಣ ಅಲ್ಲವೇ....!!!!